A operación estatística Construción de edificios ofrece información sobre as licenzas de obra maior que conceden os concellos de Galicia. O colectivo de informantes constitúeo o conxunto dos promotores inmobiliarios e/ou técnicos colexiados que asinan os proxectos de edificación.

A estatística ofrece información sobre o número de edificacións de nova planta a construír (con distinción de se se trata de edificios residencias ou non residencias), a rehabilitar e a demoler. Tamén informa sobre as vivendas de nova planta ás que darán lugar as novas edificacións, o número de vivendas creadas en rehabilitación e a demoler, así como da variación neta do parque de vivendas.

O Instituto Galego de Estatística (IGE) publica avances mensuais desta operación, que inclúen datos a nivel da comunidade. Co cambio de ano, a información mensual sintetízase e calcúlanse os agregados para o coxunto do período anual, que incluén datos a nivel provincial e municipal das principais variables.

En novembro concedéronse licenzas para 197 edificacións de nova planta. Sobre edificacións xa existentes, concedéronse licenzas para 165 obras de rehabilitación e 33 para obras de demolición de edificios.

Estas licenzas permitirán construír 205 novas vivendas. O número de vivendas creadas en rehabilitación será de 44 e as vivendas a demoler serán 33. A variación neta do parque de vivendas¹ este mes foi, por tanto, positiva (216 novas vivendas).

En relación ao acontecido doce meses antes, o número de edificios a construír de nova planta aumentou en 75 unidades: 197 en novembro de 2020 fronte a 124 en novembro de 2019. O número de vivendas a construír destas características diminuíu en 59 unidades en relación ao rexistrado hai un ano. O número de edificios a rehabilitar é maior que o rexistrado doce meses antes: 165 en novembro de 2020 fronte aos 133 de novembro de 2019.

¹A variación neta do parque de vivendas calcúlase como a suma do número de vivendas a crear en nova planta e o de vivendas a crear en rehabilitación, menos o número de vivendas a demoler.

Fonte: IGE    (descarga da táboa)

Acceso ás táboas de datos:

• Número de edificios e superficie a construír. Galicia. Datos mensuais