Afiliacións á Seguridade Social segundo grupos de idade

ZDP: Zona densamente poboada; ZIP: Zona intermedia; ZPP: Zona pouco poboada

As afiliacións á Seguridade Social en Galicia no ano 2017 amosan un comportamento moi similar entre as tres zonas de urbanización, densamente poboada (ZDP), intermedia (ZIP) e pouco poboada (ZPP). O grupo de idade con maior número de afiliados, tanto de homes coma de mulleres, nas tres zonas é o de 40-44 anos, con entre o 17,1% das afiliacións na ZIP e o 14,5% na ZPP (a porcentaxe correspondente á ZDP atópase a medio camiño entre ambas, situándose no 16,4%). Nas tres zonas se observa o mesmo fenómeno, moi relacionado coa estrutura demográfica da poboación galega: entre 2007 e 2017 diminúe a porcentaxe de afiliados nas idades novas e aumenta a partir do grupo de 35-39 anos.

A zona pouco poboada presenta unhas características específicas en canto á estrutura dos afiliados por grupos de idade porque mentres que na ZDP e na ZIP a partir dun grupo de idade (30-34 no ano 2007, 40-44 no ano 2017) o peso dos afiliados dese grupo de idade baixa a medida que aumenta o grupo de idade, na ZPP a porcentaxe de afiliados nos grupos de idade entre os 35-39 e os 50-54 mantense practicamente constante, tanto para os homes como para as mulleres.

Grao de urbanización: ZDP

Grao de urbanización: ZIP

Grao de urbanización: ZPP

Os grupos de idade de 20 a 39 anos e de 40 a 59 anos acumulan máis do 90% das afiliacións á Seguridade Social no ano 2017 en Galicia e en todas as subzonas establecidas polo subgrao de urbanización excepto na ZPP baixa, onde non chega a alcanzarse o valor do 90%.

No período 2011-2017 obsérvase unha diminución da porcentaxe de afiliacións no grupo de idade de 20 a 39 anos en todas as subzonas de urbanización. Aínda que non existen diferenzas moi significativas entre subzonas, cómpre resaltar que os valores máis altos acádanse en todo o período nas zonas ZIP alta, ZIP baixa e ZPP alta; pola contra, os máis baixos na ZPP baixa ata o ano 2015 e a partir deste ano na ZDP.

Polo que respecta á porcentaxe de afiliacións no grupo de idade de 40 a 59 anos, cómpre resaltar en primeiro lugar que, ao contrario que no grupo de idade de 20 a 39 anos, esta aumenta ao longo do período 2011-2017 en todas as subzonas de urbanización.

Porcentaxe de afiliacións á Seguridade Social do grupo de idade 20-39

Porcentaxe de afiliacións á Seguridade Social do grupo de idade 40-59