Conflitividade laboral

Definicións

Conflitividade laboral

Expedientes de regulación de emprego

Son as fichas estatísticas que se cubren a partir dos expedientes administrativos presentados polas empresas ou polos representantes legais dos traballadores para solicitar a suspensión ou extinción das relacións do traballo ou a redución da xornada por causas económicas, técnicas, organizativas, de produción ou de forza maior, ou por extinción da personalidade xurídica do contratante.


Folgas e peches patronais

Comprenden as folgas e peches patronais convocadas agás as seguintes:

  • As que non implican xornadas non traballadas, como as chamadas folgas de celo
  • As que non supoñen unha redución definitiva da xornada e, en concreto, as de duración inferior a unha hora.
  • As que se refiren a actividades convencionalmente 'non produtivas', como as folgas de estudantes, consumidores, etc.
  • As que afectan a colectividades sen dereito a folga, como é o caso dos funcionarios militares e das forzas de seguridade do Estado


Xornadas non traballadas por folga

Nos conflitos de días completos e con participación constante, obtense multiplicando o número de traballadores participantes polo número de días laborais de duración do conflito. Noutros casos, nos que a participación non é constante e/ou a interrupción do traballo non afecta a xornada completa, entendendo por xornada completa a xornada laboral normal que realiza un traballador sen ter en conta as horas extraordinarias, o cálculo das xornadas non traballadas en cada folga obtense multiplicando o número efectivo de participantes en cada un dos días pola parte da xornada non traballada de cada día e sumando este resultado para todos os días de duración.


Compartir: