Índices de valor unitario para o comercio exterior. Referencia 2010. Resumo de resultados

Resumo de resultados 31/08/2020
Datos correspondentes a xuño de 2020

Introdución

Os Índices de valor unitario para o comercio exterior é unha operación estatística que elabora o Instituto Galego de Estatística (IGE) con periodicidade mensual.

O obxectivo desta operación estatística é obter unha aproximación aos índices de prezos das operacións de exportación e importación de mercadorías con orixe ou destino en Galicia, excluíndo o comercio co resto de España.

As principais utilidades destes índices son as seguintes: permiten aproximar a evolución dos prezos das exportacións e importacións; úsanse como deflactores para seguir a evolución en volume do comercio exterior; serven para construír indicadores como a relación real de intercambio ou os índices de competitividade.

Evolución

No mes de xuño os prezos dos bens exportados na Comunidade Autónoma de Galicia aumentaron un 2,7% con respecto ao mesmo mes do ano anterior. Os prezos dos bens importados diminuíron un 0,8% en termos interanuais.

Índices de valor unitario. Taxas de variación interanuais. Galicia

Fonte: IGE    (descarga da táboa)

Clasificación por destino económico dos bens

Atendendo á clasificación por destino económico, produciuse un aumento interanual do 6,73% nos prezos das exportacións de bens de consumo. Os prezos dos bens intermedios diminuíron un 2,58% respecto ao mes de xuño de 2019 e os prezos dos bens de capital baixaron un 1,28%.

Nas importacións, os prezos dos bens de consumo aumentaron un 0,88% respecto ao mes de xuño do ano anterior. Os prezos dos bens intermedios experimentaron unha diminución interanual do 1,64% e os dos bens de capital diminuíron un 4,54%.

Índices de valor unitario. Índice xeral e clasificación por destino económico dos bens. Galicia
Taxas de variación interanuais en porcentaxes

EXPORTACIÓNS

IMPORTACIÓNS

Fonte: IGE    (descarga da táboa)

Fonte: IGE    (descarga da táboa)

Clasificación por orixe/destino xeográfico

Por destino xeográfico, produciuse un aumento interanual do 4,15% nos prezos dos bens exportados aos países da Unión Económica e Monetaria e do 3,54% nos das exportacións á Unión Europea. Do mesmo xeito, os prezos das exportacións á OCDE aumentaron en xuño (un 2,99%) mentres que os dos bens con destino ao resto do mundo tamén aumentaron (un 0,17% respecto ao mesmo mes de 2019).

Por orixe dos bens importados, os prezos dos bens procedentes de países pertencentes á Unión Económica e Monetaria diminuíron un 2,50% en termos interanuais. Os prezos das importacións procedentes da Unión Europea tamén diminuíron un 2,05%, igual que os prezos dos bens procedentes de países da OCDE (un 4,18%). Pola contra, os prezos dos bens importados procedentes do resto do mundo aumentaron (un 7,21%).

Índices de valor unitario. Clasificación por orixe/destino xeográfico. Galicia
Taxas de variación interanuais en porcentaxes

EXPORTACIÓNS

IMPORTACIÓNS

Fonte: IGE    (descarga da táboa)

Fonte: IGE    (descarga da táboa)

Definicións e máis información

Definicións

Acceso ás táboas de datos:


Este sitio web utiliza cookies propias de tipo técnico e de terceiros para optimizar o seu uso. As cookies non se utilizan para recoller información de carácter persoal.
Se continúa navegando considérase que acepta o seu uso. Coñeza a nosa política de cookies
     De acordo
Compartir: