Estudo de salarios / Salarios desde o punto de vista do perceptor / Salario bruto anual segundo a antigüidade
descarga en pdf
O salario bruto anual está directamente relacionado coa antigüidade no posto de traballo. O complemento de antigüidade mellora os salarios dos traballadores, aínda que o incremento non é unicamente debido a este complemento, senón que a antigüidade na empresa provoca melloras no posto de traballo e, por conseguinte, nas remuneracións.
Na última categoría (máis de 30 anos) o salario descence con respecto á anterior. Este último efecto pode estar orixinado, entre outros motivos, pola existencia de topes salariais.
| Antigüidade | España | Galicia |
|---|---|---|
| Total | 24.009,12 | 22.244,59 |
| Menos de 1 ano | 16.452,04 | 15.568,46 |
| De 1 a 3 anos | 19.346,54 | 17.246,30 |
| De 4 a 10 anos | 23.815,63 | 20.822,15 |
| De 11 a 20 anos | 28.033,26 | 26.259,99 |
| De 21 a 29 anos | 34.812,20 | 33.624,77 |
| 30 ou máis anos | 36.405,25 | 33.489,41 |
En Galicia, os salarios máis altos atópanse entre os asalariados que teñen unha antigüidade na empresa de 21 a 29 anos, onde o seu valor representa máis do dobre do salario percibido polos asalariados cunha antigüidade inferior a 1 ano. En España, pola contra, os salarios máis elevados obsérvanse no grupo de traballadores e traballadoras que leva 30 ou máis anos na mesma empresa.
Os salarios brutos anuais dos homes e das mulleres teñen un comportamento similar respecto aos anos de antigüidade na empresa, a excepción de no último grupo; isto é, nos homes os salarios crecen ata o nivel de 21 a 29 anos de antigüidade e descenden no último nivel, mentres que nas mulleres os salarios aumentan ata o último grupo de antigüidade.
As diferenzas relativas entre os salarios dos homes e das mulleres son maiores nos asalariados con menos de catro anos de antigüidade e así, nos grupos de menos de 1 ano de antigüidade e de 1 a 3 anos de antigüidade, o salario dos homes é superior ao das mulleres nun 40,88% e nun 29,02%, respectivamente.
Por outra banda, as menores diferenzas preséntanse nos asalariados de entre 4 e 10 anos de antigüidade e de máis de 30 anos, nos que o incremento do salario dos homes con respecto ao das mulleres é dun 15,11% no primeiro caso e sitúase no 25,44% no segundo.
| Antigüidade | Total | Homes | Mulleres |
|---|---|---|---|
| Total | 22.244,59 | 24.826,91 | 19.543,17 |
| Menos de 1 ano | 15.568,46 | 18.012,15 | 12.785,66 |
| De 1 a 3 anos | 17.246,30 | 19.287,11 | 14.949,21 |
| De 4 a 10 anos | 20.822,15 | 22.332,66 | 19.401,80 |
| De 11 a 20 anos | 26.259,99 | 29.955,49 | 22.678,25 |
| De 21 a 29 anos | 33.624,77 | 37.133,45 | 29.410,64 |
| 30 ou máis anos | 33.489,41 | 37.226,08 | 29.677,09 |
Na análise da ganancia por hora segundo a antigüidade dos traballadores obsérvase o mesmo comportamento ascendente do salario respecto a antigüidade do traballador, tanto en España como en Galicia.
Cabe resaltar que, se ben cando se considera o salario bruto anual segundo a antigüidade dos traballadores obsérvase un lixeiro descenso do salario nos traballadores con máis de 30 anos de antigüidade na empresa, cando se considera a ganancia por hora, os salarios increméntanse en todos os tramos de antigüidade. Semella, polo tanto, que o descenso do salario bruto anual nos traballadores con máis antigüidade podería deberse a un descenso das horas traballadas e non a un da ganancia por hora.
| Antigüidade | España | Galicia |
|---|---|---|
| Total | 11,95 | 10,97 |
| Menos de 1 ano | 9,16 | 8,50 |
| De 1 a 3 anos | 10,11 | 9,07 |
| De 4 a 10 anos | 11,66 | 10,12 |
| De 11 a 20 anos | 13,20 | 12,27 |
| De 21 a 29 anos | 16,01 | 15,23 |
| 30 ou máis anos | 17,45 | 15,94 |
IGE. Elaboración propia a partir dos microdatos da Encuesta de Estructura Salarial elaborada polo INE
Este sitio web utiliza cookies propias de tipo técnico e de terceiros para optimizar o seu uso. As cookies non se utilizan para recoller información de carácter persoal. Se continúa navegando considérase que acepta o seu uso. Coñeza a nosa política de cookies