Taxa de mortalidade

descarga en pdf

ZDP: Zona densamente poboada; ZIP: Zona intermedia; ZPP: Zona pouco poboada

Información para Galicia e provincias segundo o grao de urbanización

Taxa de mortalidade bruta e estandarizada segundo o grao de urbanización. Información para Galicia e provincias. Ano 2022

No ano 2022 en Galicia a ZPP aparece moi diferenciada das outras zonas pola súa alta taxa bruta de mortalidade (17,7 defuncións por 1.000 habitantes). Por outra parte, as menores taxas brutas de mortalidade rexístranse na ZDP e ZIP, que contan cunha poboación máis nova que a ZPP.

 
As provincias de Lugo e Ourense presentan taxas brutas de mortalidade máis altas que as da Coruña e Pontevedra. Ademais, cómpre resaltar os elevados valores que toma o indicador na ZPP das provincias de Lugo e Ourense (21,2 e 20,8 defuncións por 1.000 habitantes, respectivamente).
 
Por outra parte, as taxas estandarizadas de mortalidade, que eliminan o efecto da estrutura por idades, reflicten unha notable diminución das diferenzas na mortalidade entre zonas.

 

	Taxa bruta				Taxa estandarizada
	Total	ZDP	ZIP	ZPP	Total	ZDP	ZIP	ZPP
Galicia	13,0	11,3	11,3	17,7	13,0	12,0	12,9	14,0
• A Coruña	12,5	11,7	10,9	16,1	12,7	12,0	12,6	13,8
• Lugo	16,7	11,3	15,3	21,2	14,6	12,8	14,9	15,3
• Ourense	16,4	12,9	12,7	20,8	13,4	12,6	12,8	14,0
• Pontevedra	11,2	10,5	10,7	14,4	12,4	11,7	12,7	13,1

 

Información para Galicia segundo o subgrao de urbanización

Taxa de mortalidade bruta e estandarizada segundo o subgrao de urbanización

No período 2002-2022 increméntase a taxa bruta de mortalidade en todas as subzonas. A subzona na que máis aumentou a taxa bruta de mortalidade neste período foi na ZPP baixa.

No ano 2002 a taxa bruta de mortalidade presenta unha relación inversa co subgrao de urbanización, salvo na ZIP alta, que presenta valores inferiores aos da subzona de urbanización inmediatamente superior; no ano 2022 prodúcese a mesma ruptura na ZIP alta; nesta subzona a taxa bruta de mortalidade é menor que na ZDP.

 
As taxas estandarizadas de mortalidade experimentan un crecemento no período 2002-2022 en todas as subzonas de urbanización, moi similar ao comportamento da taxa bruta no mesmo período. Por outra parte, as taxas estandarizadas de mortalidade das subzonas reducen notablemente as diferenzas existentes entre as taxas brutas, tanto no ano 2002 como no ano 2022.
 
Polo que respecta á mortalidade segundo o sexo, os homes presentan taxas brutas de mortalidade superiores ás das mulleres nas subzonas ZDP, ZIP alta e ZIP baixa, e inferiores no resto de subzonas.

 

	Taxa bruta		Taxa estandarizada
	2002	2022	2002	2022
Total	10,5	13,0	10,5	13,0
ZDP	9,0	11,3	10,5	12,0
ZIP alta	8,6	10,8	10,6	12,7
ZIP baixa	10,6	12,8	11,4	13,6
ZPP alta	11,2	13,4	10,4	13,1
ZPP intermedia	12,4	16,2	10,5	13,4
ZPP baixa	15,0	20,5	10,3	14,6

 

 

	Taxa bruta
	Homes	Mulleres
Total	13,2	12,7
ZDP	11,8	10,9
ZIP alta	11,2	10,4
ZIP baixa	13,1	12,5
ZPP alta	13,2	13,7
ZPP intermedia	15,8	16,7
ZPP baixa	20,1	20,9

Definicións, fontes e máis información

Definicións

Taxa bruta de mortalidade:

Número de defuncións por cada 1.000 habitantes.

Taxa de mortalidade estandarizada:

Media ponderada das taxas específicas de mortalidade por idade onde as ponderacións proceden dunha poboación de referencia, neste caso o poboación de Galicia.

Descarga de datos

• Taxa de mortalidade bruta e estandarizada segundo o grao de urbanización (Información para Galicia e provincias desde o ano 1996)
• Taxa de mortalidade bruta e estandarizada segundo o subgrao de urbanización (Información para Galicia e provincias desde o ano 1996)

Fontes de información

IGE. Elaboración propia a partir de: IGE. Cifras poboacionais de referencia, IGE-INE. Movemento Natural da Poboación