Electricidade dispoñible para o consumo final en Galicia segundo a súa procedencia. Ano 2020
|
No ano 2020 a electricidade dispoñible para o consumo final en Galicia ascendeu a 2.395 ktep, da que un 0,96% importouse e a restante (2.372 ktep) xerouse en Galicia.
En Galicia, no ano 2016, a industria é o sector que acada a maior porcentaxe de enerxía eléctrica consumida (51,92% do total). En España esta porcentaxe acada só o 32,06%.
En Galicia, no ano 2020, a cifra de negocios no sector industrial situouse en 39.405 millóns de euros e o persoal ocupado ascendeu a 144.969 persoas.
O 86,16% da cifra de negocios do sector industrial en 2020 correspondeu á Industria manufactureira e, dentro desta, a maior contribución á cifra de negocios da industria é a actividade da "Alimentación" (22,65%) seguida de "Vehículos de motor, remolques e semirremolques" (20,19%).
No ano 2020, dos 2.372 ktep de enerxía eléctrica xerados en Galicia, o 76,3% procedía de enerxías renovables e o 13,6% do gas natural.
As manufacturas ocupan a 132.783 persoas, o que supon o 91,6% de toda a ocupación na industria.
As ramas con maior presenza de ocupados son a de "Alimentación" (21,6% do total), seguida de "Vehículos de motor, remolques e semirremolques" (11,3%), e da "Fabricación de produtos metálicos, agás maquinaria e equipo" (10,9%).
Este sitio web utiliza cookies propias de tipo técnico e de terceiros para optimizar o seu uso. As cookies non se utilizan para recoller información de carácter persoal. Se continúa navegando considérase que acepta o seu uso. Coñeza a nosa política de cookies