Principais magnitudes dos servizos de mercado. Galicia. Ano 2020
Fonte: INE. Estadística estructural de empresas: sector comercio e sector servizos Preto do 40% dos ocupados nos servizos de mercado pertencen ao sector do comercio.No ano 2020, un total de 134.344 locais e 437.634 ocupados dedicábanse aos servizos de mercado, segundo as enquisas estrutural de servizos e comercio que elabora o INE. A principal agrupación de actividade nos servizos de mercado é o comercio, que ocupa o 38,8% do total de traballadores e xera o 72,2% do volume de negocio. Distribución do persoal ocupado e do volume de negocio nos servizos de mercado por agrupacións de actividade. Galicia
|
Segundo as enquisas de turismo elaboradas por INE, no ano 2021 produciuse unha aumento da oferta de prazas en todos os tipos de establecementos turísticos, motivada polo impacto da pandemia da COVID-19 no ano 2020. O maior incremento produciuse nos apartamentos turísticos que aumentaron un 38,3%. En menor medida aumentaron as prazas correspondentes a aloxamentos de turismo rural e establecementos hoteleiros, que aumentaron un 28,5% e un 27,3% respectivamente. Por último as prazas correspondentes a campamentos turísticos experimentaron un incremento do 19,7%.
En canto á demanda, o número de noites tamén aumentou con respecto ao ano anterior en todas as tipoloxías de establecementos: un 84,2% nos establecementos hoteleiros, un 76,8% nos aloxamentos de turismo rural, un 46,2% nos apartamentos turísticos e un 44,6% nos campamentos turísticos.
No ano 2020, producíronse un total de 3.451 accidentes de tráfico (con vítimas), nas estradas galegas, dos cales 98 foron mortais. Estes accidentes segaron a vida de 103 persoas (24 menos que no ano anterior) e causaron 4.697 feridos.
Segundo a Explotación do directorio de empresas e unidades locais, o número de empresas activas con actividade en Galicia era de 245.503 o día 1 de xaneiro de 2021, o 65,1% pertencen ao sector servizos. O 68,6% das empresas con sede social en Galicia non contan con ningún asalariado.
A tarifa media diaria acadou o seu valor máximo no ano 2022 no mes de agosto, onde acada os 83,9 euros por habitación ocupada. Mentres que o menor valor rexistrouse en xaneiro (51,1 euros por habitación).
No ano 2022 o ingreso por habitación dispoñible tamén presenta o seu valor máximo en agosto e o seu mínimo no mes de xaneiro acadando os valores de 60 e 11,3 euros por habitación dispoñible respectivamente.
No ano 2021, o número de viaxeiros aloxados en establecementos hoteleiros e residentes no estranxeiro diminuíu un 143,4% con respecto ao ano anterior. (A entrada en vigor da Orde SND/257/2020, do 19 de marzo, motivou a suspensión de apertura ao público de todos os aloxamentos turísticos, quedando paralizada a actividade turística a partir do 26 de marzo. A partir do 11 de maio e de acordo coa Orde SND/399/2020, os hoteis e aloxamentos turísticos puideron, de novo, abrir ao público, pero con certas restricións. Estas restricións ao turismo implementadas ao longo do ano 2020 afectan aos niveis dos distintos indicadores. Polo tanto, non é adecuado realizar a comparativa dos datos da demanda turística de 2021 cos rexistrados en 2020).
No ano 2020, matriculáronse en Galicia 46.622 vehículos, dos cales 35.036 foron turismos. Con respecto ao ano anterior, o número de vehículos matriculados diminuíu un 18,4% e o de turismos un 20,7%.
O número de sociedades mercantís creadas en 2022 diminuíu un 3,6% con respecto ao ano anterior. Pola súa banda, o número de sociedades mercantís disoltas diminuíu un 6,8%.
O número de hipotecas constituidas en Galicia no ano 2021 foi de 20.676, un 21,6% máis que no ano anterior. O importe medio destas hipotecas aumentou un 4,8%, ata situarse nos 107.615 euros.
Este sitio web utiliza cookies propias de tipo técnico e de terceiros para optimizar o seu uso. As cookies non se utilizan para recoller información de carácter persoal. Se continúa navegando considérase que acepta o seu uso. Coñeza a nosa política de cookies