|
A lonxevidade, entendida como a duración da vida do ser humano, incrementouse de forma espectacular durante todo o século XX, e segue avanzando no século XXI. O envellecemento poboacional é un dos temas que máis preocupa actualmente en Galicia, precisamente por ser unha das rexións nas que este fenómeno se presenta con maior intensidade no territorio español e europeo. O grupo de poboación que se pode identificar co distintivo "persoa maior" precisa de información específica, desde distintos ámbitos: demográfico, social, educativo, sanitario, laboral e económico. Con esta operación estatística o IGE presenta un conxunto de indicadores sobre os individuos de 65 ou máis anos que pretende ofrecer unha visión da situación actual deste colectivo. |
|
A porcentaxe de poboación de 65 ou máis anos con respecto ao total de poboación de Galicia aumenta ano tras ano. Na actualidade representa o 24,3% (ano 2016) e as previsións apuntan a que superará o 31% dentro de quince anos. |
||||
|
||||
|
Un indicador utilizado para medir a evolución deste colectivo no tempo é o denominado "Índice de envellecemento", que relaciona a poboación de 65 ou máis anos con respecto a cada 100 persoas menores de 20 anos. Mentres que en España este indicador na actualidade toma valores en torno a 95, en Galicia presenta un continuo incremento ata rondar o valor 154 no ano 2016; as previsións apuntan na mesma dirección de incremento na seguinte década, chegando a tomar valores superiores a 232 no ano 2031. |
||||
|
||||
|
||||
|
|
||||||||||||
| ||||||||||||
|
||||||||||||
|
En canto ao nivel educativo alcanzado polas persoas de 65 ou máis anos, é inferior en Galicia a porcentaxe de persoas sen estudos, denominados na clasificación da Enquisa de poboación activa (EPA), fonte desta información, como "Analfabetos", con respecto ao total de España. |
||||||||||||
|
||||||||||||
|
Moi relacionado co nivel de formación alcanzado é o uso das TIC por parte do colectivo de persoas maiores. Está dispoñible para o ano 2016 o uso de internet e comercio electrónico por parte das persoas de 65 a 74 anos. |
||||||||||||
|
||||||||||||
|
As principais causas de defunción das persoas de 65 e máis anos en Galicia, segundo a Clasificación Internacional de Enfermidades (CIE) 10ª revisión, son as enfermidades do sistema circulatorio e os tumores. Defuncións de persoas de 65 ou máis anos, segundo a causa. Galicia. Ano 2015 Fonte: INE. Defunciones según la causa de muerte |
|||||
|
|||||
|
Por grupos de idade, as causas predominantes nos individuos menores de 80 anos son os tumores, mentres que as enfermidades do sistema circulatorio son máis frecuentes nas defuncións de persoas de 80 anos e máis. A estancia hospitalaria media das persoas de 65 ou máis anos é superior en Galicia que no total de España para os grupos de idade de menos de 85 anos, segundo os datos do ano 2015. A esperanza de vida aos 65 anos en Galicia, entendida como unha estimación do promedio de anos que lle queda por vivir a unha persoa que chega con vida aos 65 anos no ano de referencia, no caso de que as condicións de mortalidade se mantivesen constantes e semellantes ás do ano de referencia, situouse no ano 2015 en 21,2 anos. |
|||||
|
|
||||
|
||||
|
Este sitio web utiliza cookies propias de tipo técnico e de terceiros para optimizar o seu uso. As cookies non se utilizan para recoller información de carácter persoal. Se continúa navegando considérase que acepta o seu uso. Coñeza a nosa política de cookies