Datos Básicos. Sector agrario, pesca e acuicultura

Principais datos económicos da rama agraria e pesqueira. Galicia. Ano 2019


Fonte: IGE. Contabilidade trimestral. Revisión Estatística 2019. IGE-INE. Enquisa de poboación activa
Nota: os datos do VEB e do PIB son avance

En 2019 a rama agraria e pesqueira supuxo o 4,7% do PIB galego

En 2019 o valor engadido bruto (VEB) da rama agraria e pesqueira situouse nos 2.952,1 millóns de euros (a prezos correntes), o que supuxo o 4,7% do PIB de Galicia nese ano. Con respecto ao acontecido en 2018 o VEB da agricultura e da pesca diminuíu un 0,3% (medido en prezos correntes), e o seu peso no tecido produtivo galego diminuíu unha décima. En termos de índices de volume, o VEB do sector primario medrou un 0,2% respecto ao ano 2018. A ocupación na agricultura sitúase nas 49.900 persoas en 2019 e na pesca nos 16.800 traballadores e traballadoras.


Número de explotacións con superficie agraria utilizada por comarcas. Ano 2009
Número



Fonte: INE. Censo agrario

As comarcas da Terra Chá e Deza son as que teñen un maior número de explotacións con SAU

No ano 2009 existían en Galicia 79.909 explotacións agrarias con terras, das cales 428 non contaban con superficie agraria utilizada (SAU). A SAU destas explotacións era de 647.598 hectáreas. As comarcas con maior número de explotacións con SAU son as da Terra Chá (5.500 explotacións) e Deza (4.173). Pola contra, Muros e O Morrazo, xunto con Quiroga e Terra de Caldelas, non superan o limiar das 500 explotacións por comarca.


Venda nas lonxas. Datos xerais de pesca fresca. Galicia. Ano 2019
Toneladas, miles de euros


Fonte: Consellería do Medio Rural e do Mar. Anuario de pesca

En 2019 diminuíu o importe das vendas de pesca fresca en Galicia un 5,3%

No ano 2019 vendéronse nas lonxas galegas 158.167 toneladas de produtos procedentes da pesca fresca, que xeraron un valor de 465 millóns de euros. Con respecto ao ano anterior, diminuíu tanto o volume das vendas en toneladas (un 9,3%), coma o importe (un 5,3%).

Con respecto á evolución das vendas segundo a especie, entre 2018 e 2019 diminuíron as vendas (tanto en cantidade como en importe) de boa parte dos produtos pesqueiros, agás no caso das bivalvos (cuxas vendas aumentaron un 3,2% en cantidade e un 2,2% en importe), dos equinodermos (cun aumento do 5,2% en cantidade e un 29,0% en importe) e dos poliquetos (neste caso, a cantidade vendida aumentou un 11,6% e o importe un 8,6%). Ademais, e aínda que en termos de cantidade a evolución fose negativa, en termos de importe tamén se rexistrou un incremento dos tipos algas e crustáceos entre 2018 e 2019. A comercialización de peixes, a principal especie comercializada nas lonxas galegas, diminuíu en torno a un 10,2% en volume e un 7,7% en importe.

As principais especies vendidas en Galicia en 2019 foron, segundo a cantidade comercializada, o xurelo, a pescada e o lirio (nos dous primeiros casos se superaron as 20.000 toneladas vendidas). Segundo o importe vendido, ocupan as primeiras posicións, a pescada, o peixe sapo, a ameixa xaponesa, o xurelo e os rapantes.

As lonxas da Coruña (Lonja Coruña, S.A.) e Vigo son os principais puntos de venda de peixe fresco de Galicia se atendemos á cantidade comercializada (representan o 21,4% e o 21,3% do total). Pola contra, se nos fixamos no importe das vendas, a lonxa de Vigo sitúase á cabeza, co 22,6% do total. Outras prazas importantes de comercialización de especies mariñas de Galicia, tanto por cantidade como por importe, son as lonxas de Ribeira, Burela e Celeiro. Estas cinco aglutinan o 79,5% da cantidade e o 69,5% do importe total vendido.


Principais especies vendidas nas lonxas galegas. Ano 2019
Toneladas, miles de euros

Por cantidade

Por importe


Fonte: Consellería do Medio Rural e do Mar. Anuario de pesca

Efectivos e explotacións de gando bovino. Ano 2019
Número


Fonte: elaboración propia a partir dos datos do SITRAN (Sistema Integrado de Trazabilidade Animal), proporcionados pola Consellería do Medio Rural e do Mar


Efectivos de gando porcino, ovino e caprino.
Ano 2019
Número


Fonte: Ministerio de Agricultura, Pesca y Alimentación
Os datos do ano 2018 son provisionais


Distribución xeral das terras. Galicia. Ano 2019
Hectáreas


Fonte: Consellería do Medio Rural. Anuario de Estatística Agraria e Superficies Agrícolas
Nota: baixo a denominación "outras superficies" inclúense as seguintes categorías: augas interiores, baldío, improdutivo, urbano e comunicacións


Distribución porcentual das vendas por lonxa. Galicia. Ano 2019
Porcentaxe

Segundo a cantidade vendida

Segundo o importe das vendas


Fonte: Consellería do Medio Rural e do Mar. Anuario de pesca


Permisos de marisqueo a pé por sexo e idade. Galicia. Ano 2019
Número


Fonte: información subministrada directamente pola Consellería do Medio Rural e do Mar

Definicións e máis información

Definicións

Descarga de datos


Este sitio web utiliza cookies propias de tipo técnico e de terceiros para optimizar o seu uso. As cookies non se utilizan para recoller información de carácter persoal.
Se continúa navegando considérase que acepta o seu uso. Coñeza a nosa política de cookies
     De acordo
Compartir: