descarga en pdf
A operación estatística Construción de edificios ofrece información sobre as licenzas de obra maior que conceden os concellos de Galicia. O colectivo de informantes constitúeo o conxunto dos promotores inmobiliarios e/ou técnicos colexiados que asinan os proxectos de edificación.
A estatística ofrece información sobre o número de edificacións de nova planta a construír (con distinción de se se trata de edificios residencias ou non residencias), a rehabilitar e a demoler. Tamén informa sobre as vivendas de nova planta ás que darán lugar as novas edificacións, o número de vivendas creadas en rehabilitación e a demoler, así como da variación neta do parque de vivendas.
En xaneiro concedéronse licenzas para 129 edificacións de nova planta. Sobre edificacións xa existentes, concedéronse licenzas para 148 obras de rehabilitación e 25 para obras de demolición de edificios.
Estas licenzas permitirán construír 122 novas vivendas. O número de vivendas creadas en rehabilitación será de 74 e as vivendas a demoler serán 26. A variación neta do parque de vivendas1 este mes foi, por tanto, positiva (170 novas vivendas).
En relación ao acontecido doce meses antes, o número de edificios a construír de nova planta diminuíu en 6 unidades: 129 en xaneiro de 2024 fronte a 135 en xaneiro de 2023. O número de vivendas a construír destas características diminuíu en 15 unidades en relación ao rexistrado hai un ano. O número de edificios a rehabilitar é maior que o rexistrado doce meses antes: 148 en xaneiro de 2024 fronte aos 143 de xaneiro de 2023.
| De nova planta | A rehabilitar | A demoler | De nova planta | A rehabilitar | A demoler | |
|---|---|---|---|---|---|---|
| 2023/Xaneiro | 135 | 143 | 14 | 137 | 46 | 17 |
| 2023/Febreiro | 151 | 152 | 18 | 160 | 38 | 18 |
| 2023/Marzo | 212 | 183 | 24 | 279 | 52 | 25 |
| 2023/Abril | 148 | 147 | 22 | 186 | 57 | 25 |
| 2023/Maio | 214 | 171 | 28 | 381 | 66 | 23 |
| 2023/Xuño | 125 | 109 | 14 | 106 | 57 | 15 |
| 2023/Xullo | 206 | 172 | 14 | 238 | 44 | 16 |
| 2023/Agosto | 141 | 128 | 10 | 130 | 36 | 9 |
| 2023/Setembro | 178 | 154 | 13 | 241 | 67 | 19 |
| 2023/Outubro | 258 | 171 | 18 | 229 | 66 | 25 |
| 2023/Novembro | 228 | 145 | 24 | 347 | 76 | 37 |
| 2023/Decembro | 188 | 162 | 13 | 389 | 50 | 17 |
| 2024/Xaneiro | 129 | 148 | 25 | 122 | 74 | 26 |
| Fonte: IGE (descarga da táboa) |
Gráfico coa evolución da variación neta do parque de vivendas
Fonte: IGE (descarga da táboa)
IGE. Construción de Edificios.
variación neta do parque de vivendas calcúlase como a suma do número de vivendas a crear en nova planta e o de vivendas a crear en rehabilitación, menos o número de demolicións.↩︎
Este sitio web utiliza cookies propias de tipo técnico e de terceiros para optimizar o seu uso. As cookies non se utilizan para recoller información de carácter persoal. Se continúa navegando considérase que acepta o seu uso. Coñeza a nosa política de cookies